Rishton tumanining Voxim mahalla fuqarolar yig‘inida infratuzilmani yaxshilash, aholining kundalik hayotini yengillashtirish va xavfsiz harakatlanishini ta’minlash maqsadida navbatdagi muhim loyiha amalga oshirilmoqda.

Ayni kunlarda ushbu mahallada ikki asosiy ko‘chani o‘zaro bog‘lovchi yangi ko‘prik qurilishiga kirishildi.

Mazkur ko‘prik aholining kundalik qatnovini osonlashtirib, ayniqsa, maktab o‘quvchilari, yoshi ulug‘ fuqarolar va transport vositalari uchun katta qulaylik yaratadi. Qurilish ishlari zamonaviy texnologiyalar asosida, belgilangan loyiha va sifat talablariga muvofiq olib borilmoqda.

Mahalla aholisi tomonidan iliq kutib olingan ushbu tashabbus hududning ijtimoiy-iqtisodiy rivojlanishiga ham xizmat qilishi, shu bilan birga, obodonchilik va mahalla infratuzilmasini takomillashtirishda muhim rol o‘ynashi kutilmoqda.