Farg‘ona shahridagi 38-umumiy oʻrta ta’lim maktabi kutubxonasida “She’riyatga shaydoman” mavzusida adabiy tanlov tashkil etildi.

Tadbirda o‘quvchi yoshlar ishtirok etib, yurt, tabiat va do‘stlik mavzularida she’rlar o‘qib, o‘z ijodiy salohiyatlarini namoyon etdilar.

Tanlov yakunida faol ishtirok etgan o‘quvchilar taqdirlanib, g‘oliblarga esdalik sovg‘alari topshirildi.

Ushbu tadbir bolalarda kitobxonlik, adabiyotga mehr va ifoda mahoratini oshirishga xizmat qildi.