Rishton tumani hokimi Bahodir Holiqov Navbahor mahalla fuqarolar yig‘ini hududida joylashgan kichik sanoat zonasida amalga oshirilayotgan ishlar bilan tanishdi.

Tashrif davomida hokim tomonidan mavjud ishlab chiqarish quvvatlari, yangi ish o‘rinlari yaratish bo‘yicha rejalar, tadbirkorlik subyektlariga yaratilayotgan sharoitlar hamda hududning iqtisodiy salohiyatini oshirishga qaratilgan loyihalar ko‘zdan kechirildi.

Kichik sanoat zonasi hududida faoliyat yuritayotgan korxonalar rahbarlari o‘z taklif va muammolarini bildirib, ularni hal etish bo‘yicha masalalar muhokama qilindi.

Tuman rahbari mazkur hudud iqtisodiy rivojlanish, tadbirkorlikni qo‘llab-quvvatlash va yangi ish o‘rinlari yaratishda muhim o‘rin tutishini ta’kidlab, mas’ullarga tegishli topshiriqlar berdi.