Tuman hokimligi majlislar zalida tuman hokimi, Kengash raisi Bahodirjon Xoliqov boshchiligida yettinchi chaqiriq Xalq deputatlari Rishton tumani Kengashining navbatdagi 14-sessiyasi tashkil etildi.

Sessiyada Xalq deputatlari tuman Kengashi deputatlari, tuman korxona va tashkilotlari rahbarlari, shuningdek, ommaviy axborot vositalari vakillari ishtirok etdilar.

Bugungi sessiya kun tartibiga quyidagi masalalar kiritildi, jumladan:

1-masala: Rishton tumanida tashkilot rahbarlari faoliyati hamda tumanida murojaatlar bilan ishlash holati to‘g‘risida.

2-masala: Farg‘ona viloyati Adliya boshqarmasi Rishton tumani adliya bo‘limining tumanda fuqarolarning huquq va manfaatlarini ta’minlashga qaratilgan normalar va standartlarning ishlash holati to‘g‘risida.

3-masala: Tuman prokuraturasi tomonidan hududdagi kriminogen vaziyatni yaxshilash, jinoyatlarni barvaqt oldini olish, omillarni bartaraf etish yuzasidan ko‘rilgan chora-tadbirlar haqida joriy yil 3-chorak yakuni bo‘yicha.

4-masala: Tuman ichki ishlar bo‘limi tomonidan 2025-yilning uchinchi choragi davomida Rishton tumanida huquqbuzarliklar va jinoyatchilikni oldini olish hamda kamaytirish, ularning profilaktikasi, shuningdek, korrupsiyaga qarshi kurashish, uni oldini olish bo‘yicha olib borilgan ishlar va kelgusidagi vazifalar to‘g‘risida.

5-masala: Rishton tumani Soliq inspeksiyasi tomonidan 2025-yilning 9 oyi davomida soliq tushumlari bo‘yicha amalga oshirilgan ishlar to‘g‘risida.

6-masala: Rishton tumanida 2025–2026-yillar kuz-qish davri uchun iste’molchilar kesimida ekinlarni sug‘orish uchun limitni tasdiqlash to‘g‘risida.

7-masala: Ekologiya, atrof-muhitni muhofaza qilish va iqlim o‘zgarishi boshqarmasi Rishton tumani bo‘limi tomonidan 2025-yil 9 oy davomida amalga oshirilgan ishlar to‘g‘risida.

8-masala: Rishton tumanidagi aholining ijtimoiy ehtiyojmand toifalarini 2026-yilda ishga joylashtirish uchun ish o‘rinlarining eng kam sonini belgilash va zahiraga qo‘yish to‘g‘risida.

9-masala: Rishton tuman mahalliy byudjetining 2025-yil 3-chorak daromadlar rejasidan orttirib bajarilgan qismi hisobidagi mablag‘lardan foydalanish hamda mahalliy byudjetning 9 oylik ijrosi to‘g‘risida.

10-masala: Rishton tumanida 2025-yil 3-choragida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar to‘g‘risida.

11-masala: Rishton tumanida yoshlar muammolarini hal qilish, ularning bandligini ta’minlash, mahallalardagi yoshlar bilan o‘tkazilgan uchrashuv va muloqotlar yuzasidan amalga oshirilgan ishlar to‘g‘risida.

12-masala: “Infratuzilma va ijtimoiy barqarorlik” jamg‘armasiga yo‘naltirilgan mablag‘lardan foydalanish yuzasidan takliflarni ko‘rib chiqish to‘g‘risida.

Boshqa masalalar:
Sessiya davomida kun tartibiga kiritilgan masalalar ko‘rib chiqilib, deputatlar tomonidan muhokama etildi.

Sessiya yakunida kun tartibidagi masalalar yuzasidan tegishli qarorlar qabul qilindi.