Maxsus imkoniyatlar

Ekran o'lchami

50 %

Shrift o'lchami

50 %

Google tarjimon:

Saytni baholash
97
12
Sayt test rejimida ishlamoqda...

192025-08-26 14:50

Mustaqillik shodiyonasi Rishton tumanida keng nishonlandi

http://api3.fergana.uz/files/151300/news/file-2098661210784655.jpg

Yurtimizdagi eng ulug‘, eng aziz bayram – O‘zbekiston Respublikasi Davlat mustaqilligining 34 yilligi mamlakatimizning barcha hududlarida ulkan tantana va ko‘tarinki ruhda nishonlanmoqda.

Rishton tumanida ham bu ulug‘ sana munosabati bilan “Markaziy” o‘yingohda katta bayram tadbiri o‘tkazildi. Tadbir “Vatan uchun, millat uchun, xalq uchun” shiori ostida tashkil etilib, unda minglab tuman aholisi, ziyolilar, yoshlar va mehmonlar ishtirok etdi.

Tantananing ochilish marosimini tuman hokimi Bahodir Xoliqov olib bordi. U o‘z nutqida mustaqillik yillarida yurtimizda amalga oshirilgan islohotlar, tumanimizdagi yutuqlar haqida to‘xtalib, barchani ulug‘ ayyom bilan samimiy tabrikladi.

Bayram dasturida Rishton tumani madaniyat bo‘limi xonandalari, shuningdek, milliy estrada yulduzlari – Valijon Qodirov, Jaloliddin Ahmadaliyev, Abdujalil Qo‘qonov, Jo‘rabek Qodirov hamda yosh ijodkorlar tomonidan kuy-qo‘shiqlar ijro etildi.

Shodiyona davomida Rishton osmoni turfa rangli mushaklar bilan yoritildi. Ushbu manzara bayramga o‘ziga xos ko‘rk qo‘shib, tomoshabinlar qalbida unutilmas taassurot qoldirdi.

Mustaqillik – xalqimizning orzu-intilishlari, ozod va obod hayotga intilish timsolidir. Shu bois bugungi bayram yurtimizning har bir go‘shasida, har bir xonadonda shodlik va quvonch bilan nishonlanmoqda.

Bizni ijtimoiy tarmoqlarda kuzating!

Tavsiya etamiz