Rishton tumanida aholi muammolarini joyida o‘rganish va hal etish maqsadida navbatdagi sayyor qabul bo‘lib o‘tdi. Qabulda tuman hokimi shaxsan ishtirok etdi.

Qabul davomida fuqarolar tomonidan tadbirkorlik uchun bank krediti olish, moddiy va tibbiy yordam, uy-joyni ta’mirlashda ko‘mak so‘ralgan murojaatlar bildirildi.

Barcha murojaatlar tegishli tartibda ro‘yxatga olinib, darhol hal etiladigan masalalar joyida yechim topdi. Ba’zi murojaatlarga huquqiy maslahatlar va tushuntirishlar berildi.

Muddati talab etiladigan masalalar mas’ul tashkilotlarga biriktirilib, nazoratga olindi.