Darhaqiqat Qo‘qon shahar hokimligi tomonidan ushbu hududni yashnab turgan ko‘kalamzor maskanga aylantirish uchun milliardlab mablag‘ sarflandi. Natijada Muqimiy nomidagi istirohat bog‘i Qo‘qon shahri va atrof tumanlarlagi minglab aholini o‘ziga jalb qilayotgan so‘lim go‘shaga aylandi.

Nafaqat sayr etish va hordiq chiqarish balki ko‘plab sport seksiyalari uchun mashg‘ulotlar maydoni vazifasini o‘tayotgan Xudoyorxon O‘rdasi atrofidagi bog‘u-bo‘stonlar minglab aholi uchun bo‘sh vaqtini mazmunli tashkil etish uchun qulay va shinam hudud sifatida shakllanib bormoqda.