O‘zbekiston tumanidagi “Kichik Tagob” mahalla fuqarolar yig‘inida joriy mavsumda minglab tonna gilos yetishtirildi. Uning aksariyati eksportga yo‘naltirilmoqda.

Mahalla o‘ramidagi 3 ming 800 dan ziyod aholi istiqomat qiladigan 800 ga yaqin xonadonlarning deyarli barchasida gilosning “Samarqand”, “Bahor” va “Toshkent” kabi sarhil navlarini yetishtiriladi.

Munavvarxo‘ja Fozilov ana shunday mirishkor tomorqa egalaridan biri, usta bog‘bon. Bugun u o‘z xonadonidagi 10 sotixdan ziyod moʻjaz bog‘ida pishgan gilosdan munosib daromad olmoqda.