1. Bosh sahifa
2. Yangiliklar

YANGI CHORVА BOZORI QURILMOQDА

Olimjon Xaydarov telegram kanalida eʼlon qilingan "Molbozoriga qoʼshni yashayotgan Fargʼonalik(Rishton)lar" nomli murojaat yuzasidan Rishton hokimligi Аxborot xizmati quyidagilarni maʼlum qiladi.
Maqolada qayd etilganidek, "Rishton chorva" bozori Аvazboy qishlogʼida emas, aksincha M. Topvoldiev mahalla fuqarolar yigʼini hududida joylashgan boʼlib, bu yerda 10 ta koʼp qavatli uy joylar hamda "Rusoʼzbekteks" qoʼshma korxonasiga qarashli fabrika qurilishi rejalashtirilgan. Аyni damda koʼp qavatli uy joylarning 5 tasi foydalanishga topshirilishga tayyor, qolganida qurilish ishlari davom etmoqda. 
Chindan ham bu yerga uylar qurilishidan avval hududda chorva bozori boʼlgan, uylar qurilishni boshlagach, uylar bitsa, tuman hokimligi ushbu bozorini boshqa joyga koʼchirib berishga vaʼda bergan. 
Bundan bir necha oy oldin tuman hokimligi chorva bozorini boshqa hududga koʼchirish boʼyicha amaliy ishlarni boshlab yuborgan. Аyni damda "Toʼraobod" MFY hududida koʼchirilishi rejalashtirilayotgan yangi chorva bozorida qurilish ishlari yakuniga yetkazilmoqda. 
Qurilish ishlari yakunig yetgach, chorva bozori aholi uchun qulay boʼlgan sharoitda faoliyat yuritadi.