Har yili mamlakatimizda 9-may – Xotira va qadrlash kuni umumxalq bayrami sifatida keng nishonlanadi.

Shu munosabat bilan, O‘zbekiston Respublikasi Prezidentining 2025-yil 25-fevraldagi PF-32-son Farmoni hamda Vazirlar Mahkamasining 2025-yil 17-apreldagi 231-sonli qaroriga muvofiq, urush qatnashchilari, nogironlari, ularga tenglashtirilgan shaxslar va front ortida fidokorona mehnat qilgan fuqarolarni moddiy rag‘batlantirish maqsadida bir martalik pul mukofoti belgilandi.

Quvasoy shahrida istiqomat qiluvchi 6 nafar front orti mehnat faxriylariga “Ikkinchi jahon urushidagi g‘alabaning 80 yilligi” esdalik yubiley medallari, pul mukofotlari hamda bayram sovg‘alari shahar hokimligi, huquqni muhofaza qiluvchi organlar va boshqa hamkor tashkilotlar rahbarlari tomonidan ularning xonadonlariga tashrif buyurilgan holda tantanali tarzda topshirildi.

Quvasoy shahar hokimligi Axborot xizmati