1. Bosh sahifa
2. Yangiliklar

Fidoyilik va yuksak azmu shijoat namunasi

×

Qoʼli qadoq dehqon uchun erta bahorda ekin yeri tobiga yetganida baraka urugʼini qadab, kunni tunga ulab, dalasidan nari ketmay niholini parvarishlab, barakali hosil yetishtirishi bir tomonu, ayni hosili pishib-etilib, tayyor boʼlganida uni nest-nobud qilmay yigʼishtirib olish alohida saʼy-harakat va hamjihatlikni taqozo etadi. 
Shu yilki yogʼingarchilik, xullas, tabiat injiqliklariga qaramay mirishkor dehqonlarimiz boʼsh kelishmadi. Shu kecha-kunduzda paxtakor-mirishkorlar uchun ham navbatdagi sinov — “gʼalvirni suvdan koʼtaradigan” palla – “oq oltin” yigʼim-terimi davom etmoqda.
"Bugun barcha hududda hamjihatlik va katta kuch-gʼayrat bilan boshlangan yigʼim-terim mavsumida dala mehnatkashlariga yetarli shart-sharoit yaratish, ular xizmatini munosib ragʼbatlantirish, terim pullarini vaqtida berilishini taʼminlash, qolaversa, ularning kunlik issiq ovqati va boshqa zaruratlariga dala boshida eʼtibor koʼrsatish muhim ahamiyatga ega, yuqori mehnat unumdorligining kafolati boʼlib xizmat qiladi", – deydi tuman hokimi.