RISHTON TOMORQАCHILIGI OʼRGАNILDI
2022-08-12 21:19:52 365
Rishton tuman fermer, dehqon xoʼjaliklari va tomorqa yer egalari kengashi va Respublika ishchi guruhi tomonidan aholi tomorqalaridan samarali foydalanish boʼyicha oʼrganishlar olib borildi.Ishchi guruhi tomonidan “Qayragʼoch” mahallasida istiqomat qiluvchi fuqarolar tomorqalaridan qanday foydalanayotgani oʼrganildi. Maʼlumki, ushbu mahallada mirishkor dehqonlar koʼp. Аna shundaylardan biri tomorqachi Аdhamjon Mahkamov boʼlib, uning xonadonida 4 sotix tomorqasi majud. Аdhamjon tomorqasidagi toklarni ostidan ham unumli foydalangan holda bodring, pomidor, soʼritoklarda esa qovun, tarvuz hamda oshqovoq yetishtirmoqda. Qayragʼochlik dehqonning yerdan unumli foydalanib, moʼmay daromad topayotgani barchani lol qoldirdi. Bugun shuningdek, Respublika ishchi guruhi vakili Sanjar Umirzaqov hamda viloyat fermer, dehqon xoʼjaliklari va tomorqa yer egalari kengashi raisining oʼrinbosari Sardor Moʼminov, Rishton tuman fermer, dehqon xoʼjaliklari va tomorqa yer egalari Kengashi raisi Isomiddin Oʼrinboevar tumanda tashkil etilgan “Tomorqa xizmati” MChJ rahbarlari ishtirokida aholi tomorqalaridan samarali foydalanish boʼyicha uchrashuv oʼtkazishib, bu borada qilinayotgan ishlarni muhokama qilishdi. Tumanda faoliyat yuritayotgan “Rishton tamorqa xizmati” MChJ tomonidan tashkil etilgan issiqxonada ayni damda limon hamda mandarin yetishtirilmoqda.
Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
Ishonch telefoni statistikasi
