“Prokuror kubogi” musobaqasi oʼtkazildi
2022-07-01 09:07:37 258
Yoshlarni sportga keng jalb qilish, ularning boʼsh vaqtlarini mazmunli oʼtkazish hamda milliy sport turi boʼlgan Kurashni ommalashtirish shuningdek, Oʼzbekiston Respublikasi Prezidentining 04.11.2020 yildagi “Kurash milliy sport turini yanada rivojlantirish va uning xalqaro nufuzini yanada oshirish chora-tadbirlari toʼgʼrisida”gi PQ-4881-sonli Qarori ijrosi yuzasidan 28-29 iyun kunlari Kurash milliy sport turi boʼyicha “Tuman prokurori kubogi” musobaqasi oʼtkazildi. Oʼtkazilgan ushbu musoboqa xalqaro sport qoidalari asosida amalga oshirilib, jami 165 nafar oʼsmirlar va uyushmagan yoshlarni qamrab oldi. Bulardan, 68 nafari qizlar tashkil etdi.
Ushbu musobaqalarning ochilish marosimi va final bosqichigacha boʼlgan bellashuvlar tuman BOʼSMga tegishli sport zalida oʼtkazildi. Musobaqaning final bosqichi “Xalqaro kulolchilik markazi”da bayramona ruhda tashkil etilib, musobaqa mehmonlari sifatida sektor rahbarlari va tumandagi barcha tashkilot va muassasalar rahbarlari ishtirok etishlari taʼminlandi.
“Rishton tuman prokurori kubogi” musobaqasi jami boʼlib 12 ta vazn toifasida oʼtkazildi va musobaqa gʼolibi va sovrindorlari tuman prokurori tomonidan medallar, diplomlar va esdalik sovgʼalari bilan taqdirlandilar.
Rishton tumani hokimligi Аxborot xizmati
Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
Ishonch telefoni statistikasi
