Риштон тумани ҳокими ҳам ўзи муносиб кўрган номзодга овоз берди
2021-10-24 13:48:56 589
Бугун, 24 октябрь куни Ўзбекистон Республикаси Президенти сайлови бўлиб ўтаяпти. Эрта тонгдан Риштон туманидаги 826-сайлов участкасида ҳам сайловлар кўтаринки руҳда бошланди.
Риштон тумани 1-сектор раҳбари, туман ҳокими Суфҳонжон Солиев ҳам мазкур сайлов участкасига бориб, сайловда иштирок этди ва ўзи муносиб деб билган номзодга овоз берди.
***
Бугун никоҳ тўйи бўлаётган Риштон тумани Тошоғолиқ МФЙда яшовчи Қобулжон Охунов ҳам Ўзбекистон Республикаси Президенти сайловида иштирок этди.
Ёш келин-куёвлар “Ўзбек-тожик” дўстлик жамиятида жойлашган 856-сайлов участкасига бориб, ўзлари танлаган номзодга овоз беришди.
***
Ўзбекистон Республикаси Президенти сайлови халқаро кузатувчиларда ҳам катта қизиқиш уйғотмоқда. Бугун Огайо Давлат университетининг сиёсий фанлар факультети профессори Брайан Поллинс Риштон тумани Зоҳидон МФЙ, Риштон педагогика коллежи жойлашган 822-сайлов участкасига ташриф буюриб, бу ердаги жараёнлар билан танишди.
Зайлобиддин Йигиталиев,
"Риштон ҳақиқати" газетаси муҳаррири.
Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
Ishonch telefoni statistikasi
