Бугун, 6 апрель — мамлакатимизда коронавирус инфекцияси аниқланганининг 23-куни. Сўнгги маълумотларга кўра,  Ўзбекистонда COVID-19ни юқтирганлар жами сони 342 нафарга етди: 30 нафар бемор соғайиб кетган, икки нафари вафот этган.

Бир суткада 76 нафар янги бемор аниқланди — бу бир кун олдинги (39 нафар)дан салкам икки ҳисса кўпдир.

«Worldometers» маълумотларига кўра, дунё миқёсида шу пайтгача коронавирус энг кўп қайд этилган мамлакатлар: АҚШ (331285), Испания (130759), Италия (128948), Германия (100009) ва Франция (89953, бир кун олдинги маълумот).

6 апрелнинг айни соатларига келиб, дунё бўйича коронавирус аниқланган инсонлар жами сони 1261445 нафарга етди, шундан 68477 нафари вафот этган, 260307 нафар бемор соғайиб кетган.

Дунёнинг 183 мамлакати ва ҳудудида коронавирус мавжуд.

Эслатма: айрим рақамлар сониясига янгиланиб турган глобал манбалардагидан фарқланиши мумкин — бу ҳам коронавируснинг қанчалик тез суръатларда ривожланаётганини кўрсатади.