1. Бош сахифа
2. Янгиликлар

Оммавий ахборот воситалари вакиллари Риштон туманидаги кулолчилик кластери билан танишишди

×

Ҳудудларда амалга оширилаётган янгиликлар, ижтимоий-иқтисодий ривожлантириш, бунёдкорлик ишларидан журналистларни хабардор қилиш мақсадида Риштон туманида навбатдаги пресс-тур ўтказилди.

Пресс-тур доирасида журналистлар уста-кулол Шокиржон Аҳмаджоновнинг янги ташкил этилган кулолчилик кластери фаолияти билан танишишди. 5 млрд. сўм қийматидаги ушбу лойиҳа 2021 йилнинг октябрь ойида ишга туширилган бўлиб, 30 та доимий иш ўринлари яратилган ва 3 минг нафар аҳолини касаначилик билан бандлиги таъминланмоқда.

Шокиржон Аҳмаджонов ҳар бир ишчи бугунги кунда 2 млн. сўмдан 4 млн. сўмгача ойлик маош олаётганлиги, шунингдек, жорий йилда Россиянинг Екатеринбург шаҳрига маҳсулотларни экспорт қилиш учун 5 млн. долларлик шартнома имзоланганлиги ҳақида маълумот берди.

Умуман олганда, туманимиздаги саноат маҳсулотлари ишлаб чиқаришга ихтисослашган маҳаллалар, хонадонларда иш бошлаган оилавий корхоналар фаолияти ҳам журналистларда катта қизиқиш уйғотди.