Бугун, 4 июнь — мамлакатимизда коронавирус инфекцияси аниқланганининг 82-куни.

Ўзбекистон Республикаси Соғлиқни сақлаш вазирлиги берган маълумотга кўра, 3 июнь соат 23:00 ҳолатига, мамлакатимизда коронавирус инфекцияси қайд этилганлар сони 3 843 нафарга етди: шифо топганлар — 3 014 нафар, вафот этганлар — 16 нафар.

3 июнь санасида Ўзбекистонда коронавирус 83 кишида аниқланиб, 106 киши касалликдан тузалган.

«Worldometer» маълумотларига кўра, жаҳонда коронавирусга чалинганлар сони 6 567 260 нафарга етди, шифо топганлар — 3 164 346 нафар, вафот этганлар — 387 911 нафар.

Жаҳонда коронавирус пандемияси бошланганидан бери илк марта касалликдан тузалганлар сони (3 164 346, 48,1 фоиз) даволанаётганлар сони (3 015 003, 45,9 фоиз)дан ошди. 

Коронавирусга чалинганлар сони Шимолий Америкада 2 151 631 нафар, Европада 2 028 241 нафар, Осиёда 1 226 670 нафарга етди.