1. Бош сахифа
2. Янгиликлар

Ёшлар ойлиги доирасида маданий-маърифий тадбир ва концерт дастури ўтказилди

×

Риштон туманида ёшлар ойлиги доирасида “Янги Ўзбекистон ёшлари, бирлашайлик!” шиори остида маданий-маърифий тадбир ва концерт дастури ўтказилди.
Жорий йилнинг 3 июнь кунидан юртимизда ёшлар ойлиги бошланди. Мазкур ойлик доирасида қатор лойиҳалар, интеллектуал танловлар, учрашувлар, спорт мусобақалари ҳамда гала концертлар ўтказилиши режалаштирилган.
Риштон туманида ҳам ёшлар ойлиги доирасида концерт дастурлари, театрлаштирилган томошалар, ижодий учрашувлар, спорт мусобақалари кўтаринки руҳда ташкил этилмоқда.
Туман истироҳат боғида ташкилланган бугунги концерт дастури давомида таниқли сўз устаси Валижон Шамсиев, “Лайли ва Мажнун” гуруҳи ҳамда таниқли санъаткорлар, эстрада хонандалари, эл ардоғидаги ижодкорлар ўзларининг чиқишлари билан барчага байрамона кайфият улашди.