Фарғона вилояти ҳудудига “СОVID-19” – коронавирус инфекциясини кириб келиши ва тарқалишини олдини олиш мақсадида тегишли чора-тадбирлар ишлаб чиқилиб, кенг кўламдаги ишлар амалга оширилмоқда.
Хусусан, Риштон туманида Маҳалла ва оилани қўллаб қувватлаш вилоят бошқармаси ва туман ҳокимлиги ташаббуси билан тегишли муассасалар мутахассисларидан иборат коронавирус штаби ташкил этилди.
Мазкур штаб вакиллари аҳолиси орасида даволаш профилактика ва таълим муассасаларида ҳамда ишлаб чиқариш корхоналарида, коронавирус инфекциясини олдини олиш юзасидан кенг кўламда санитария-тарғибот ишларини ҳам амалга оширади.
Шунингдек, ҳудудидаги аҳолини коронавирус инфекцияси билан боғлиқ мурожаатларини қабул қилиш ва белгиланган тартибда телефон орқали маълумот бериш мақсадида ишонч телефони пости ташкил этилди.
Умуман олганда, Риштон туманида коронавирус инфекциясининг кириб келиши ва тарқаб кетишини олдини олиш учун барча зарур амалий чора-тадбирлар кўрилаётир.
