Qo‘shtepa tumanidagi “Xumdon” mahallasida mahalla fuqarolar yig‘ini raisligi uchun saylov bo‘lib o‘tdi. Saylov jarayoni belgilangan tartib-qoidalarga qat’iy amal qilingan holda, ochiqlik va shaffoflik tamoyillari asosida tashkil etildi.
Saylovda mahalla faollari, nuroniylar, yoshlar va keng jamoatchilik vakillari faol ishtirok etdilar. Fuqarolar o‘z nomzodlariga ishonch bildirib, erkin va adolatli tarzda ovoz berdilar.
Natijalarga ko‘ra, nomzodlar orasida ko‘pchilikning ishonchini qozongan “Xumdon” MFYda yoshlar yetakchisi bo‘lib ishlagan Sobirjon Gʻaniyev mahalla fuqarolar yig‘ini raisi etib saylandi.