1. Bosh sahifa
2. Yangiliklar

Bosh prokuror oʼrinbosari "kichik sanoat zonasi"dagi tadbirkorlar bilan uchrashdi

×

Xabar berib oʼtganimizdek, Rishton tumanida boʼlgan Bosh prokuror oʼrinbosari Sh.А.Аminov rahbarligida tuman prokuraturasi binosida kommunal soha vakillari ishtirokida elektr energiyasi hamda tabiiy gazdan oqilona foydalanish, energiya isteʼmolidagi tejamkorlik masalalariga bagʼishlangan tezkor yigʼilish oʼtkazilib, sohada masʼul rahbarlarga zarur topshiriqlar berilgandi.Shundan keyin Bosh prokuror oʼrinbosari Navbahor mahalla fuqarolar yigʼinida joylashgan “kichik sanoat zonasi”dagi ishlar bilan tanishdi.  Soʼnggi paytlarda tumanimiz aholisini biznesga jalb qilish va ijtimoiy himoya qilishda yangi “oʼsish nuqtalari”ni aniqlash hamda drayver sohalarda oilaviy tadbirkorlik va xizmat koʼrsatish loyixalarini amalga oshirishga eʼtibor qaratilmoqda. Xususan, “Navbahor” MFY hududidagi kichik sanoat zonasida tashkil etilgan sanoat korxonalari faoliyati yoʼlga qoʼyilgan boʼlib, bugungi kunda yuzdan ortiq korxonalar faoliyat yuritmoqda. Bosh prokuror oʼrinbosari ushbu kichik sanoat zonasida boʼlib, tadbirkorlar bilan ham uchrashdi.Ularning murojaatlarini tingladi. Mahsulotlarni yana sifatini oshirish va eksportni koʼpaytirish borasida tavsiyalar berdi. Shuningdek tadbirkorlarning takliflarni ham tingladi.