Туман ҳокими Суфҳонжон Солиевнинг Наврўз байрами табриги
2023-03-21 07:14:05 332
Азиз ва муҳтарам тумандошлар, ҳурматли отахон ва онахонлар, туманимизнинг қадрли меҳнаткашлари!
Юртимизда баҳор нафаси, байрамлар шукуҳи уфириб турган шундай ҳузурбахш дамларда сизларни қадимий ва навқирон байрамимиз – Наврўз айёми билан чин қалбимдан муборакбод этаман.
Жаннатмакон юртимизга кўкламнинг энг гўзал ва тароватли айёми бўлган Наврўз ташриф буюрмоқда. Наврўз – йил боши, табиатнинг уйғониши, эзгулик, меҳр-оқибат рамзи, янги деҳқончилик мавсумининг бошланиши сифатида қадимдан халқимизнинг энг севимли ва қадрли байрами бўлиб келган. Бу кун умумхалқ байрами сифатида барча қишлок ва маҳаллаларимизда ўзгача кўтаринкилик билан нишонланмоқда.
Ушбу қутлуғ кунда барча туманимиз халқини яна бир бор нафосат, гўзаллик, янгиланиш, меҳр-оқибат байрами бўлган Наврўз айёми билан муборакбод этаман.
Юртимизга тинчлик, барчанинг хонадонига осойишталик, қут-барака, сиҳат-саломатлик ва бахт-саодат тилайман.
Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
Ishonch telefoni statistikasi
