1. Bosh sahifa
2. Yangiliklar

EHTIYОJMАND OILАNING MUROJААTI IJOBIY HАL ETILDI

×

Prezidentimiz Shavkat Mirziyoev tashabbuslari bilan xalqni eshitish, aholining talab va istaklarini roʼyobga chiqarish davlat siyosatining ustuvor yoʼnalishiga aylandi. Natijada aholining yillar davomida qiynab kelayotgan muammolari asta-sekin oʼz yechimini topib, odamlar rahbarlardan, davlatdan rozi boʼlib, orzu – istaklari roʼyobga chiqmoqda.
Аholi murojaatlari bilan ishlash, fuqarolardan kelib tushgan har bir masalani oʼz vaqtida koʼrib chiqish va ijobiy yechim topish sektor rahbarlaridan alohida masʼuliyatni talab etadi. Bugungi kunda “Xalq davlat idoralariga emas, davlat idoralari xalqimizga xizmat qilishi kerak” tamoyiliga asoslanib, ish olib borilmoqda. Fuqarodan murojaat kelib tushdimi, uning ijobiy yechimi albatta shu hudud aholisining foydasi uchun muhim hisoblanadi.
Rishton tumani sektor rahbarlari tomonidan hududlarda aholi bilan uchrashib, muammolarini hal etish borasida keng koʼlamdagi ishlar amalga oshirilmoqda. Jumladan, “Аnhor buyi” MFY Baxtiyor koʼchasida yashovchi Z.Solieva bir necha kun oldin uyini taʼmirlab berish boʼyicha murojaat qilgan edi. Uning ushbu murojaati yuzasidan homiylar yordami bilan uyi taʼmirlanib, berildi. 
- Hukumatimiz rahbarlari tomonidan biz kabi ehtiyojmand oilalarga berilayotgan gʼamxoʼrliklardan boshim osmonga yetdi. Mening murojaatimni ijobiy hal qilib bergan rahbarlarga minnatdorchilik bildiraman, deydi Z.Solieva. 
Tumanimizda aholining turli qatlamlari bilan toʼgʼridan-toʼgʼri muloqotni kengaytirish, mavjud muammolarni aniqlash, ularni bevosita joyida bartaraf etish yuzasidan aniq va tezkor choralar koʼrilmoqda.