1. Bosh sahifa
2. Yangiliklar

Oʼzbekiston xalq yozuvchisi Rishtonlik Isajon Sulton turk dunyosi adabiyot mukofotiga sazovor boʼldi

×

Oʼzbek adabiyoti va ijodkorlari bugun dunyoga oʼz soʼzini aytmoqda. 
Turkiyaning Bursa shahrida Turkiy tilli davlatlar tashkiloti, Turkiya madaniyat va sport vazirligi, Otaturk nomidagi madaniyat, til va tarix yuksak qurumi hamda Turk til qurumi hamkorligida «Tilda, fikrda, ishda birlik: turk dunyosi adabiyot (roman) mukofoti» topshirilishiga bagʼishlangan tantanali xalqaro marosim boʼlib oʼtdi.
Tadbirda Oʼzbekiston, Ozarbayjon, Qozogʼiston, Qirgʼiziston, Turkmaniston, Shimoliy Kipr kabi davlatlardan taklif qilingan adib va olimlar qatori, bir qancha rasmiy kishilar, turkiy tilli davlatlarning elchilari ishtirok etdi. 
Turkiya Prezidenti Rajab Tayyib Erdoʼgʼanning tadbir ishtirokchilariga yoʼllagan maktubi oʼqib eshittirildi. Har bir davlatdan bir yozuvchiga 2022 yil Turk dunyosi adabiyot mukofoti topshirildi. Ushbu yuksak mukofotga yurtimizdan Oʼzbekiston xalq yezuvchisi Isajon Sulton loyiq koʼrildi. Fursatdan foydalanib, sevimli adibimizni ushbu nufuzli mukofot bilan muborakbod etamiz.