1. Bosh sahifa
2. Yangiliklar

Mahalla obodligi – yurt obodligi

×

✍️Istiqlolimizning 31-yillik toʼyini munosib kutib olish maqsadida tumanimiz hududida keng koʼlamli obodonlashtirish ishlari olib borilmoqda. Qoshqayron mahalla fuqarolar yigʼini raisi Dilmurodjon Hamroevning soʼzlariga koʼra, mahallada bayramga bagʼishlab keng qamrovli targʼibot ishlari amalga oshirilayotir.

✅ - Tumanimiz hokimi tomonidan olib borilayotgan ishlarni yanada jadallashtirish maqsadida berilgan topshiriqlarini ijro etish yuzasidan aniq chora-tadbirlar belgiladik va mahalla fuqarolar yigʼini qoshida tashkil etilgan “Ijtimoiy qoʼllab-quvvatlash va jamoatchilik nazorati” komisiyasi aʼzolari ishtirokida mahalla hududidagi xonadonlar va ijtimoiy soha obʼektlari oʼrganildi. Mahallamizda keng qamrovli obodonlashtirish ishlari boshlab yuborildi. - deydi mahalla raisi.

✍️ Mahalla raisining maʼlumotiga koʼra, aholi oʼrtasida istiqlol bayramini munosib kutib olish maqsadida “Mahallabay” tizimi orqali xonadonma-xonadon va uyma-uy yurish orqali targʼibot ishlari olib borilayotir. Targʼibot ishlari samarasi oʼlaroq, fuqarolar mahalla obodonchiligiga eʼtibor qaratishmoqda. Koʼchalarni tozalash, devorlarni oqlash, daraxtlarga shakl berish va koʼchalardagi ariqlarni tozalash ishlari olib borilmoqda.Ishlar samarasini kuchaytirish maqsadida mahalla raisi tashabbusi bilan hashar ham tashkil etildi.

Rishton tumani hokimligi Аxborot xizmati