1. Bosh sahifa
2. Yangiliklar

Rishtonda mustaqillik bayrami arafasida bank ofisi foydalanishga topshirildi

×

Yangi Oʼzbekistonda el aziz, inson aziz

 “Yangi Oʼzbekistonda el aziz, inson aziz” shiori ostida nishonlanayotgan Respublikamiz mustaqilligining 31 yilligi bayrami arafasida viloyatimiz shahar va tumanlarida oʼnlab yangi ishlab chiqarish loyihalari ishga tushirilmoqda.Xususan, “Markaz” MFYda mijozlarga xizmat koʼrsatish sifati va samaradorligini oshirish maqsadida “Universalbank” tomonidan tashkil etilayotgan “Bank xizmatlari ofis”larining navbatdagisi tumanimiz fuqarolariga oʼz eshiklarini ochdi.Zamonaviy ofis isteʼmolchilarga keng koʼlamli moliyaviy va konsalting xizmatlarini koʼrsatish barobarida, hisob raqam va plastik kartalar ochish, kredit olish uchun ariza berish, omonatlarni rasmiylashtirish, barcha turdagi toʼlovlar hamda xalqaro pul oʼtkazmalarini bajarishi bilan ham ahamiyatlidir.Shuningdek, tumanda istiqomat qiluvchi 210 mingdan ziyod fuqarolar 24/7 rejimida ishlovchi bankomat va infokiosklardan ham kunning istalgan vaqtida erkin foydalanishlari mumkin. Unda milliy plastik kartalardagi mablagʼlarni naqdlashtirish, kommunal, uyali aloqa kabi qator toʼlovlarni amalga oshirish imkoniyati mavjud.