1. Bosh sahifa
2. Yangiliklar

Sport — sogʼlom hayot garovi

×

Yangi Oʼzbekistonda el aziz, inson aziz

Mohiyatan, sport salomatlik garovi ekanini barchamiz yaxshi bilamiz. Shu bois, Oʼzbekistonda sport bilan shugʼullanish ommaviy tus olmoqda. Sogʼlom turmush tarziga amal qilayotgan yurtdoshlarimiz soni kun sayin koʼpayib borayotgani ham fikrimiz dalili.
Prezidentimizning 2020 yil 30 oktyabrdagi “Sogʼlom turmush tarzini keng tatbiq etish va ommaviy sportni yanada rivojlantirish chora-tadbirlari toʼgʼrisida”gi farmoni esa bu boradagi harakatlarimizga yangi ruh bagʼishladi. Tumanimizda erta tongdan xiyobonu koʼchalarda yugurib, chiniqayotgan odamlarni koʼp uchratyapmiz. Bugun maktabgacha taʼlim tizimi xodimlari oʼrtasida ham sport bilan muntazam shugʼullanish avj olgan. Turli sport musobaqalari oʼtkazish ommalashmoqda. 
Taʼkidlash joizki, davlatimiz rahbari tomonidan ilgari surilgan beshta muhim tashabbusning ikkinchi yoʼnalishi – yoshlarni jismoniy chiniqtirish, ularning sport sohasida qobiliyatini namoyon qilishi uchun zarur sharoitlar yaratishga alohida eʼtibor qaratilayotgani keyingi yillarda ommaviy sport tadbirlarini oʼtkazishga keng yoʼl ochmoqda.
Xususan, Rishton tumanidagi 12-DMTTda "Yangi Oʼzbekistonda el aziz, inson aziz" shiori ostida sport festivali oʼtkazilib, unda guruh tarbiyalanuvchilari va tarbiyachilari ishtirok etishdi.