1. Bosh sahifa
2. Yangiliklar

Tumanimizdagi 5 ta mahallada yengil konstruktsiyali tibbiyot punktlari tashkil etilmoqda

×

Keyingi yillarda barcha sohalarda boʼlgani kabi sogʼliqni saqlash tizimida ham amalga oshirilayotgan islohotlar natijasida aholi salomatligi yoʼlida tub oʼzgarishlar boʼlmoqda. Аyniqsa, chekka hududlarda istiqomat qilayotgan aholiga tibbiy xizmat koʼrsatish sifati yildan yilga yaxshilanib borayotir. 

Xususan, olis va chekka hududlar aholisiga birlamchi tibbiy yordamning sifati va samaradorligini oshirish maqsadida Rishton tumanining "Dasht Tegirmon", "Oq-tomir", "Yangi avlod", "Soʼxobod" mahalla fuqarolar yigʼinlarida shuningdek, "Oʼrikzor" mahalla tibbiy punktlarini tashkil etish boʼyicha manzilli ishlar davom etmoqda. 
Ushbu hududlarga bosqichma-bosqich mahalla tibbiy punktlari uchun maxsus konteynerlar olib kelinib, aholi uchun foydalanishga topshirilishi belgilangan. 

Endilikda tibbiy uskunalar, internet, zamonaviy aloqa vositalari, dori-darmonlar bilan jihozlangan tibbiy punktlar qishloq aholisi uchun xizmat koʼrsatadi.

Rishton tumani hokimligi Аxborot xizmati.