OАV vakillari, jurnalist va blogerlar eʼtirof etildi
2022-06-30 10:19:29 328
Kecha "Fayz" toʼyxonasida "27 iyun – Matbuot va ommaviy axborot vositalari xodimlari kuni" munosabati bilan Rishton tumani hokimligi tashabbusi bilan bayram tadbiri tashkil etildi. Tadbirga matbuot sohasida uzoq yillar samarali mehnat qilib tumanda chinakam milliy jurnalistika maktabini shakllantirishda hissa qoʼshgan faxriy jurnalistlar, “Rishton haqiqati” gazetasi tahririyati xodimlari, OАV vakillari va blogerlar taklif qilindi. Bir piyola choy ustida oʼtkazilgan dildan suhbatlarda tuman matbuoti tarixi, buguni va kelgusida hamkorlikda qilinishi lozim boʼlgan muhim vazifalar haqida soʼzlashildi. Faxriy ijodkorlarlar, jurnalist va blogerlar yurtimizda soʼz erkinligini taʼminlash tobora mustahkamlanib borayotgani xususida fikr bildirishdi.Tadbirda ishtirok etgan tuman hokimi S. Soliev, tuman sektor rahbarlari yigʼilganlarni bayram bilan qutlashdi.Mamlakatimiz, viloyat va tumanimizda roʼy berayotgan voqeliklarni oʼquvchilarga tezkor va aniq yetkazishda, tumanni ijtimoiy-iqtisodiy rivojlantirish borasidagi islohotlarni keng yoritib borishda OАV xodimlarining faolligi hamda sharafli mehnatlari eʼtirof etildi. Soha fidoiylariga tuman hokimining faxriy yorliqlari va esdalik sovgʼalari topshirildi.
Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
Ishonch telefoni statistikasi
