1. Bosh sahifa
2. Yangiliklar

Yuzlaringdan baxt porlasin, bolajon!

×

Yoz fasli bolalar uchun gʼoyat zavqli va quvnoq tarzda boshlanadi. Bugun – yoz faslining ilk kunida koʼcha va xiyobonlar, istirohat bogʼlari baxtdan yuzlari porlagan bolajonlar bilan yanada gavjum. Bu kun kelajagimiz davomchilari uchun katta tantana tusini olgan.
Xalqaro bolalarni himoya qilish kuni mamlakatimizda har yili koʼtarinki kayfiyatda, bolalarga xos samimiy ruhda nishonlanadi. Rishton tumanida ham Xalqaro bolalarni himoya qilish kuni munosabati bilan “Bolalarga bering dunyoni” shiori ostida bayram tadbirlari boʼlib oʼtdi.Bayramona bezatilgan sahna jajji bolajonlarning oʼyin-kulgulariga toʼldi. Maktabgacha taʼlim tashkilotlari tomonidan tayyorlangan ertak qahramonlarining chiqishlari, kontsert dasturlari, baxtli bolalikni tarannum etuvchi kuy-qoʼshiqlar, quvnoq raqslar nafaqat jajji bolajonlar, balki boshqa ishtirokchilar qalbiga ham olam-olam quvonch bagʼishladi.Darhaqiqat, oilaning quvonchi farzand bilan. Bayramlar ham bolalar bilan totli. Ularning xursandchiligi barchamizning baxtimiz, ularning quvonchi bizning ham quvonchimizdir.