ЗАКОВАТ ИЛМЛИЛАР МАЙДОНИ
2022-03-30 17:25:10 433
Туманимиздаги “Файз” тантаналар саройида Риштон тумандаги МФЙлар ўртасида уюшмаган ёшлар иштирокида ёшларнинг ижтимоий-сиёсий ва ҳуқуқий билимларини мустаҳкамлаш, уларнинг интеллектуал салоҳиятини янада ривожлантириш мақсадида «Заковат» интеллектуал ўйини ўтказилди.
Интилувчан, ташаббускор ёшлар ҳар бир давлатнинг келажагини, салоҳиятини белгиловчи муҳим ижтимоий қатлам саналади. Зеро, жамиятнинг истиқболи ёшларнинг салмоғи ва маънавиятига боғлиқдир.
Риштон тумани ҳокимлиги, Ёшлар ишлари агентлиги туман бўлими, Ёшлар иттифоқи туман Кенгаши, Маънавият ва маърифат маркази туман бўлими ҳамкорлигида ўтказилган билимлар беллашуви якунларига кўра, “Абдуллабаён” МФЙ жамоаси ғолибликни қўлга киритди. “Бўжай” МФЙ жамоаси иккинчи, “Хожиқишлоқ” жамоасига эса учнчи ўрин насиб этди.
«Заковат» интеллектуал ўйинида ғолиб бўлган жамоаларга ташкилотчилари томонидан қимматбаҳо совғалар топширилди.
«Заковат» интеллектуал ўйинининг очилиш ва тақдирлаш маросимида туман ҳокими ўринбосарлари ва сектор раҳбарлари иштирок этишди.
Риштон тумани ҳокимлиги Ахборот хизмати
Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
Ishonch telefoni statistikasi
