ҲУРМАТЛИ ЎЗБЕК ТИЛИ РИВОЖИГА МУНОСИБ ҲИССА ҚЎШАЁТГАН ФИДОЙИЛАР!
2021-10-21 06:37:31 370
Аввало барчангизни бугунги айём - Ўзбек тилига Давлат тили мақоми берилганлигининг ўттиз икки йиллиги ва “Ўзбек тили” байрами билан самимий муборакбод этаман!
Тил - инсониятга инъом этилган буюк неъмат! У халқ тарихи, руҳияти, ўзлигини ифодалайди. Бинобарин, бетакрор маданий-маърифий бойликлар, асрий қадриятлар шу тушунчага пайвандланади.
Бугун сизга ташаккурим ва чексиз ҳурматимни изҳор этмоқчиман!
Негаки, сиз каби чинакам тил фидойилари ўзбек тилининг нақадар сержило эканлигини дунё мамлакатлари олдида намоён этмоқдасиз! Ер юзида тиллар кўп, лекин ҳар бир халқ учун ўз тили азиз ва муқаддас, давлат тили – миллий мустақилликнинг тимсоли, жамият кўзгуси ва давлат рамзи саналади.
Ўзбек тили халқимизнинг шу кунгача қўлга киритган ютуқларидан энг залворлилари қаторида дея, ҳеч шубҳасиз, миллий тилимизни эътироф этсак бўлади.
Азиз риштонлик тил фидойилари!
Сиз - у биз шу юртнинг фарзанди, эртанги келажагининг масъулларимиз. Бугун биз она тилимизга ҳурмат кўрсатиб, ёш авлод вакилларига ўрнак бўлишимиз, ёшликдан уларга тарихимиздан сўзлаб беришимиз лозим. Негаки, бу тил – Навоийнинг “Ҳамса” сидаги бутун инсониятнинг маънавий бойлигига айланган ҳикматли достонлар, гўзал ишқ таърифларини ўзида жамлаган.
Бу тилда жаҳон тарихида муносиб из қолдирган Заҳириддин Муҳаммад Бобурнинг соғинчли ғазаллари, тарихий - мемуар асари битилган. Шунингдек, миллий романчилигимизнинг асосчиси Қодирийнинг бетакрор “Ўткан кунлар”и ёзилган. Она тили – боболарнинг ўгитлари, момоларнинг аллаларида мужассам тил.
Яна бир бор сизни бугунги айём билан қутлар эканман, бизнинг туманимиздан ўзбек тилининг обрўсини янада улуғланишига сабабчи бўлган, сиздан, ўрнак олган ёшларнинг сафи кенгайишига ишонаман! Барчамизга Ўзбек тили байрами куни қутлуғ бўлсин!
С. Солиев,
Риштон тумани ҳокими.
Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
Ishonch telefoni statistikasi
