1. Bosh sahifa
2. Yangiliklar

Туман ҳокимининг Халқ қабулхонасида фуқаролар қабули

×

Риштон туман ҳокими С. Солиев бугун Ўзбекистон Республикаси Президентининг тумандаги Халқ қабулхонасида фуқароларни навбатдаги қабулини ўтказди.

Қабул жараёнида Ўзбекистон Республикаси Президентининг тумандаги Халқ қабулхонаси мудири, туман ҳокими ўринбосарлари, тегишли ташкилот рахбарлари ва маъсуллар иштирок этдилар.

Ўтказилган қабулда фуқаролар иш билан таъминланиш, ижтимоий ёрдам, уй-жой таъмири, ижтимоий ёрдамга мухтожлар учун белгиланган уй-жой олиш, тадбиркорлик қилиш учун ер майдони ажратиш, моддий ёрдам, моддий ёрдам, боласи учун нафақа пулларини олиш, йўл, электр ва сув таъминоти, тиббий-ижтимоий ёрдам ва бошқа ўзларини қийнаётган масалалар бўйича мурожаат қилишди.

Мурожаатлар тегишли тартибда мутахассислар ва ҳоким ўринбосарларига йўналтирилиб, ечим топилган мурожаатлар жойида ҳал этилди.

Аҳоли мурожаатлари билан ишлашнинг янгича тизимини ташкил қилиш чора-тадбирлари тўғрисида: жойларда фуқароларнинг ариза, таклиф ва шикоятлари мамлакатимизда олиб борилаётган ислоҳотларнинг қандай амалга оширилаётганини баҳоловчи ўзига хос мезон ҳамдир. Жамиятда фуқароларнинг мурожаатларига доимий эътибор ниҳоятда муҳим масаладир. Чунки фуқароларнинг ижтимоий-сиёсий фаоллиги қанча юқори бўлса, жамият тараққиётига тўсиқ бўладиган муаммолар шунча тез бартараф этилади. Шунинг учун ҳам фуқароларнинг давлат ҳокимияти ва бошқаруви органларига, мансабдор шахсларга, фуқаролик жамияти институтлари вакилларига қилаётган мурожаатлари эътибордан четда қолмаслиги лозим.

Барча мурожаатлар тегишли тартибда рўйхатга олиниб, ечими топилган мурожаатлар жойида ҳал этилди ва айрим мурожаатлар ҳуқуқий маслаҳат ва тушунчалар билан қониқтирилди. Муддат талаб этилувчи мурожаатлар эса ҳал этиш учун тегишли мутасаддиларга бириктирилиб, назоратга олинди.