ИПАК ҚУРТИ ПАРВАРИШИГА БАҒИШЛАГАН СЕМИНАР

×

 2021-05-12 17:06:24    480

PDF yuklash
Chop etish



Баҳор ойининг дастлабки кунлариданоқ қишлоқ аҳолисининг ҳаёти анчагина жонланиб қолди. Томорқаларда, шу билан бирга, далаларимизда экин-текин ишлари қизғин паллага кирди. Бобо деҳқонларимиз ўз ерларидан самарали фойдаланиб, ундан мўл ҳосил олиш учун бор куч-ғайратларини ишга солмоқдалар.

Айни кунларда қишлоқ аҳолисида ўз оиласини моддий манфаатдорлигини ошириш учун яна бир масъулиятли палла, яъни ипак қурти боқиш ва ундан мўл ҳосил олиб, оилавий даромадини ошириш имкониятига эга бўлди.

Халқимиз пиллачилик билан азалдан шуғулланиб келади. Бугун ҳам юртимизда ипак қурти боқиш ҳадисини пухта ўзлаштирган оилалар кўп.

Ўзбекистон — ипакчилик соҳасида бой тажриба, юксак салоҳиятга эга мамлакат. ЮНЕСКО томонидан ўзбек шойи матолари — атлас ва адрас тайёрлашнинг қадимий технологияси номоддий маданий меросни муҳофаза қилиш рўйхатига киритилгани бунинг амалий тасдиғи, дунё ҳамжамиятининг юксак эътирофидир. 

Шу ўринда яна бир муҳим омилни алоҳида таъкидлаш жоиз. У ҳам бўлса, пиллачилларнинг моддий манфаатдорлиги оширилиб, ҳар томонлама ғамхўрлик кўрсатилаётганидир. Гап шундаки, уй шароитида пилла етиштирган фуқаролар даромад солиғидан озод қилиниб, уларнинг бир мавсум ишлаган даврлари пенсия тайинлаш учун бир йил меҳнат стажига ўтиши ҳуқуқий жиҳатдан кафолатлангани пиллачилик билан шуғулланиб келаётган опа-сингилларимиз учун жуда катта рағбат бўлди. 

Хулоса қилиб айтадиган бўлсак, юртимизда давом этаётган синовли кунлардан самарали фойдаланиш, айниқса, қишлоқ аҳолисининг жуда кўп қисми ҳозирги кунда ишсизлигини инобатга олсак, ипак қурти боқиш айни кунларда қўшимча даромад олишнинг энг қулай манбаи бўлади десак, асло муболаға бўлмайди.

Бугун Риштон туманида ипак қурти парваришига бағишлаган семинар бўлиб ўтди. Семинар давомида пиллачиликдаги муҳим жиҳатлар ҳақида сўз борди. Пиллачилик тажрибалари билан ўртоқлашилди.



<< Aprel 2024 >>
DUSECHPAJUSHYA
1234567
891011121314
15161718192021
22232425262728
2930     

Yangiliklarga obuna bo'lish


Hozir saytda 7 nafar foydalanuvchi Ishonch telefoni statistikasi

Matnda xatolik ko'rdingizmi?

Sichqoncha bilan belgilab