Замонавий болалар боғчаси фойдаланишга топширилди
2021-09-15 13:28:41 731
Риштон тумани Искандар ота қишлоғи Янгиавлод МФЙда жойлашган 61-сонли ДМТТда енгил типдаги 90 ўринга мўлжалланган мактабгача таълим ташкилоти фойдаланишга топширилди.
Очилиш маросимида туман ҳокими ўринбосари З. Умаров, 4-сектор раҳбари, туман ДСИ бошлиғи Д. Раҳимов, мактабгача таълим бўлими мудири М. Дадажонова, МФЙ раиси М. Деҳқонов ва маҳалла фаоллари иштирок этдилар.
Очилиш маросимида сўзга чиққанлар мамлакатимизда мактабгача таълим муассасаларини тубдан ислоҳ қилиш, моддий-техник базасини мустаҳкамлаш, янги муассасалар ташкил этиш ва болалар қамровини кенгайтириш борасида амалга оширилаётган ишлар юксак самаралар келтираётгани таъкидлашди.
Янги муассасада таълим-тарбия жараёнига замонавий технологияларни татбиқ этиш, бешта муҳим ташаббус доирасида болажонларнинг интеллектуал салоҳиятини юксалтириш, соғлом ва баркамол этиб тарбиялаш учун барча шароит яратилган.
Қайд этиш лозим, Янгиавлод МФЙ ҳудудида жами 124 нафар 3-7 ёшли қамралмаган болалар мавжуд бўлиб улардан 90 нафари мактабгача таълим ташкилотига қамраб олинди.
Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
Ishonch telefoni statistikasi
