1. Bosh sahifa
2. Yangiliklar

NАVBАTDАGI QАBULDА TIBBIY KOʼRIK HАM TАShKIL ETILDI

×

????Bugun hayotimizdan tobora chuqur oʼrin olayotgan “Xalq davlat idoralariga emas, davlat idoralari xalqqa xizmat qilishi kerak” degan tamoyil aholini qiynayotgan muammolarning oʼz vaqtida hal etilishiga, odamlarning turmush sharoiti yaxshilanishiga xizmat qilmoqda. Bu borada esa tashkil etilayotgan qabullarning ahamiyati katta.
Аholi bilan bevosita ochiq muloqot qilish, mavjud muammolarni aniqlash va bartaf etish maqsadida Bosh prokuror oʼrinbosari Salom Samadov rahbarligida, tuman hokimi va sektor rahbarlari ishtirokida Rishton tumani Xalq qabulxonasida navbatdagi fuqarolar qabuli oʼtkazildi. Qabulda 50 nafarga yaqin fuqarolarning turli masalalardagi murojaatlari tinglandi.
Mazkur tadbirda murojaatlar asosan moddiy yordam olish, ishga joylashish, qurilish, tergov va sudga oid, shuningdek, majburiy ijro masalalariga oid boʼldi.
Qabul davomida tumanda yashovchi aholi uchun sayyor tibbiy koʼrik tashkil etildi. Tibbiy koʼrikdan oʼtgan 270 nafar fuqarolarning 6 nafariga respublika, viloyat shifoxonalarida davolanishlari uchun yoʼllanma, 20 nafariga birlamchi tibbiy sanitariya muassasalarida ambulator davolanishi uchun tavsiyalar berildi.
Shuningdek, fuqarolarga 51 million 700 ming soʼmlik bepul dori-darmon vositalari tarqatildi.