1. Бош сахифа
2. Янгиликлар

БОЛАЛАР БОҒЧАСИ ФОЙДАЛАНИШГА ТОПШИРИЛДИ

×

Туманимизда Ўзбекистон Республикаси Президентининг 2018 йил 5 апрелдаги «Мактабгача таълим тизимини янада рағбатлантириш ва ривожлантириш чора-тадбирлари тўғрисида»ги ПҚ-3651-сонли ва Вазирлар Маҳкамасининг 475-сонли қарорига асосан Давлат-хусусий шерикчилик асосида мактабгача таълим ташкилотларини ташкил этиш борасида кенг қамровли ишлар амалга оширилмоқда.

Бугунги туманизда 3-давлат хусусий шерикчилик асосидаги мактабгача таълим ташкилоти фойдаланишга топширилди.

Очилиш маросимида туман ҳокими С.Солиев, туман ҳокими ўринбосари Р. Қосимов, туман прокурори Ш. Мавлонов, Маҳалла ва оилани қўллаб-қуввалаш туман бўлими бошлиғи ўринбосари Т. Абдураҳмонов, туман ИИБ бошлиғи ўринбосари С. Авлиёхонов туман ташкилотлари раҳбарлари, Жаҳонобод МФЙ фаоллари қатнашишди.

Жаҳонобод МФЙда яшовчи, "Фурқат" фермер хўжалиги раҳбари ташаббускор Л. Норматова томонидан ташкил этилган «AZIMAHON G`UNCHASI » номли Давлат хусусий шерикчилик асосидаги мактабгача таълим муассасаси 125-ўринга мўлжалланган.

Ушбу давлат хусусий-шериклик асосидаги нодавлат мактабгача таълим муассасаси келажагимиз давомчилари бўлмиш ёш авлодни тарбиялашда муҳим аҳамият касб этишини инобатга олган ҳолда фаолияти давомийлигига катта ишонч билдирдилар. Тадбир давомида болажонларнинг куй-қўшиқлари, ўйин кулгилари тадбирга таклиф этилган меҳмонларга янада завқ бағишлади.

Риштон тумани ҳокимлиги
Ахборот хизмати