1. Бош сахифа
2. Янгиликлар

РИШТОН ТУМАНИ ҲОКИМИГА ЯНГИ ЎРИНБОСАР ТАЙИНЛАНДИ

×

Аввалроқ Риштон тумани Хотин-қизлар қўмитаси раиси сифатида ишлаган Муқаддас Бекмирзаева туман ҳокимининг ўринбосари – Маҳалла ва оилани қўллаб-қувватлаш бўлими бошлиғи этиб тайинланди.

 Бугун Риштон тумани ҳокимлиги мажлислар залида туман фаолларининг йиғилиши бўлиб ўтди. Йиғилишда Фарғона вилояти ҳокими ўринбосари – Маҳалла ва оила қўллаб-қувватлаш бошқармаси бошлиғи Саидмурод Аминжонов қатнашди.

Вилоят ҳокими ўринбосари – Маҳалла ва оила қўллаб-қувватлаш бошқармаси бошлиғи Саидмурод Аминжонов Риштон тумани ҳокимлиги томонидан Муқаддас Бекмирзаева туман ҳокими ўринбосари – маҳалла ва оилани қўллаб-қувватлаш бўлими бошлиғи;

Махсудахон Тожибоева – бўлим бошлиғининг Хотин-қизларнинг ижтимоий-сиёсий фаоллигини ошириш бўйича биринчи ўринбосари (бунгача “Оила илмий амалий маркази” раҳбари лавозимида ишлаган);

Саидумархон Авилиёхонов – бўлим бошлиғининг Хавфсиз маҳалла фаолиятини ташкил этиш ва мувофиқлаштириш бўйича ўринбосари (бунгача Риштон тумани ички ишлар бўлими бошлиғининг Ёшлар масалалари бўйича ўринбосари лавозимида ишлаган);

Турсунхўжа Абдураҳмонов  – бўлим бошлиғининг Кексалар ва фахрийларни қўллаб-қувватлаш ва ижтимоий фаоллигини ошириш бўйича ўринбосари (бунгача туман “Нуроний” жамғармаси раиси лавозимида ишлаган) лавозимига тавсия этилгани ва номзодлар вилоят ҳокимлиги томонидан қўллаб-қувватланганини маълум қилди.

Йиғилиш сўнгида янги лавозимга киришаётган фаоллар сўз олиб, билдирилган ишонч учун самимий миннатдорлик изҳор қилдилар ва Ватан равнақи, халқимиз фаровонлиги йўлида бор куч-имкониятларини ишга солишга ваъда бердилар.

Риштон тумани ҳокимлиги Ахборот хизмати.