1. Бош сахифа
2. Янгиликлар

Маҳаллада тадбиркорлик ривожланса, аҳоли турмуши фаровонлашади

×

Бугунги кунда мамлакатимизда инсон манфаати олий қадрият даражасига кўтарилиб, барча давлат идоралари фаолиятида аҳоли мурожаатлари билан ишлашнинг мутлақо янгича тизими яратилган.
Маълумки, “Ўзбекистон-2030” стратегиясида “драйвер” соҳаларни ривожлантириш ва ҳудудлар салоҳиятидан  тўлиқ  фойдаланиш кўзда  тутилган  бўлиб, 2030 йилга қадар мамлакатимиз иқтисодиётини икки баробар ошириб, “даромади ўртачадан юқори давлатлар” қаторига кириш белгиланган. Шу мақсадда юртимиз бўйлаб ҳудудларни ижтимоий-иқтисодий  ривожлантириш борасида қатор ишлар амалга оширилмоқда.Ҳар бир шаҳар ё туманнинг ободлиги маҳалладан бошланади, деганларидек, Риштон туманида ҳам туман ҳокими ва сектор раҳбарлари томонидан аҳолини тадбиркорликка кенг жалб қилиш орқали уларнинг даромадини ошириш, янги иш ўринлари яратиш, ишсиз фуқароларни бирор фаолият тури билан банд қилиш, шунингдек ҳар бир хонадонда тадбиркорлик муҳитини шакллантиришга алоҳида эътибор берилмоқда.
Хусусан, хонадонлар кесимида талаб, таклиф ва эҳтиёждан келиб чиқиб, бизнес лойиҳалари таклиф қилинмоқда. Ёшларнинг тадбиркорликка илк қадам қўйишига кўмаклашилмоқда.
Бугун маҳаллаларга бириктирилган ҳар бир масъул ходим хонадонма-хонадон юриб, фуқароларнинг яшаш тарзи, шуғулланаётган иши билан қизиқиб, уларнинг мурожаатларини эшитмоқда, муаммоларини ўрганмоқда.
Бир сўз билан айтганда, бугун юртимизда изчил амалга оширилаётган ислоҳотлар самараси ўлароқ, одамларнинг турмуш шароити яхшиланиб, моддий фаровонлик таъминланмоқда. Ишсизлар сони кескин камайиб, маҳаллаларда янги йўналишларда кичик тадбиркорлар кўпаймоқда.
Хусусан, маҳаллаларда ғайрат-шижоат билан меҳнат қилаётган тадбиркор, уста-деҳқон, кекса-ю ёш, барча-барчани муштарак мақсад – жондан азиз Она-Ватанимизни янада тараққий эттириш истаги бирлаштирган, десак асло муболаға бўлмайди.

Риштон тумани ҳокимлиги Ахборот хизмати