1. Бош сахифа
2. Янгиликлар

Юртимизнинг барча ҳудудларида бўлгани каби Риштон туманида ҳам "Президент арчаси" байрам тадбири бўлиб ўтди

×

 Байрам тадбири шукуҳли ва эсда қоларли воқеаларга бой бўлди. Туман марказий истироҳат боғида ташкил этилган Президент арчаси байрам тадбирига мактаб ва боғчалар, маҳаллалардан болажонлар таклиф этилди.

      Тадбир Қорбобою Қорқизлар паради билан бошланди. Мактаб ва мактабгача таълим ташкилотларининг Қорбобо, Қорқиз, эртак қаҳрамонлари байрам концерт дастурида болажонлар билан бирга қўшиқ куйлаб, рақсларга тушишди.

    Туман ҳокими ўринбосарлари, мутассади раҳбарлар байрам тадбирида қатнашиб, ўтаётган йилда эришилган ютуқларга тўхталиб, иштирокчиларни, улар орқали оила аъзоларини кириб келаётган янги 2025 йил билан қутлашди.

     Тадбирга келган болажонларга "Президент совға"лари улашилди. Байрам тадбирида қорбобо ва қорқизнинг чиқишлари, эртак қаҳрамонлари иштирокида ташкил этилган саҳна кўринишлари, таниқли хонанда Валижон Қодиров, туманимизнинг истеъдодли санъаткорлари томонидан ижро этилган куй-қўшиқлар йиғилганларга манзур бўлди.

     Марказий истироҳат боғида байрам тадбирлари 5 январгача давом этади.