1. Бош сахифа
2. Янгиликлар

ПОЛЬША ВА РИШТОН ҲАМКОРЛИГИ УЧУН ДАСТЛАБКИ ҚАДАМЛАР ҚЎЙИЛДИ

×

Ҳамкорлик уфқлари

Шу кунларда Фарғона вилоятида бўлиб турган Польша давлатининг Варшава шаҳридан келган “Польша-Осиё” Савдо палатаси президенти Януш Пехочински бошчилигидаги делегация хамкорлик қилиш мақсадида Риштон туманига ташриф буюрди.
Вилоят ҳокимининг тегишли ўринбосарлари ва туман ҳокими хамроҳлигида меҳмонлар дастлаб "Kosto Line Holding" хорижий корхонасида бўлиб жараёнлар билан танишдилар.  Меҳмонлар тўқимачилик фабрикасида Риштонда етиштирлган пахта хомашёсини қайта ишлаб, ундан тола, калава, мато ва тайёр маҳсулотлар ишлаб чиқариш жараёни билан танишдилар.
Шундан сўнг, "Мингбоши керамик" кулолчилик музейида бўлган польшаликлар, кулолчилик маҳсулотлари билан танишишдан ташқари, тайёрлаш жараёнларини ҳам мароқ билан томоша қилишди. Музейда мураккаб ҳамда нафис нақшлар, ўзига хос услубда яратилган, табиат манзаралари туширилган турли кўринишдаги сержило идишлар ва кулолчилик буюмлари жойлашган.
Ушбу ташриф хорижлик меҳмонларда катта таассурот қолдирди. Улар риштонлик уста кулоллар томонидан яратилган бир-биридан гўзал санъат асарларини катта қизиқиш билан томоша қилар экан ўзларининг ҳайратларни яшира олишмади.
Ташриф якунида "Чинор плюс" мажмуасида ўзаро хамкорлик доирасидаги меморандум имзоланди. 

Риштон тумани ҳокимлиги ахборот хизмати.