1. Бош сахифа
2. Янгиликлар

Сектор раҳбарлари фермерлар билан учрашди

×

Риштон туманида айни кунларда қишлоқ хўжалиги экинларидан мўл ва сифатли ҳосил олиш мақсадида ғаллани нест нобуд қилмай йиғиштириб олиш  ва ғўза парваришлаш ишларига жиддий эътибор қаратилмоқда.
Туман деҳқонлари пахта ва ғалла етиштиришда катта тажрибага эга. Фермер хўжаликлари томонидан ҳар йили белгиланган шартномалар ортиғи билан уддаланиб келинмоқда. Жорий йилда ҳам юқори маҳсулдорликка эришиш учун зарур агротехника тадбирларини ўз вақтида амалга ошириш, парваришни белгиланган меъёрлар асосида бажариш каби юмушларга алоҳида эътибор қаратилаётир. 
Бугун бўлиб ўтган фермерлар билан учрашувда туман ҳокими йиғим-терим, ўрим пайтида хирмон юксак бўлишини кафолатлаши, шунинг учун ҳам бу вақтда тадбирлар аниқ ва ўз вақтида бажарилиши зарурлигини таъкидлади.
Шунингдек далалар четини ободонлаштириш, асосийси сувдан оқилона фойдаланиш, унинг учун сув ўлчагичлар жорий қилиш, самарасиз сувни исроф қилмаслик борасида тавсиялар бериб ўтилди. Белни маҳкам боғлаб меҳнат қилиш кераклиги таъкидланди.