БРИТАНИЯЛИК САЙЁҲЛАРНИНГ ҲАЙРАТИ
2024-04-30 10:00:02 92
Сайёҳларни лол қолдираётган Риштон
Бугунги кунда туманимизга дунёнинг турли мамлакатларидан сайёҳлар келиши одатга айланган, десак муболаға бўлмайди. Уларнинг барчаси Риштон туманидан катта таассурот билан ўз юртларига қайтиб кетишмоқда.
Туманимизга Буюк Британиядан ташриф буюрган меҳмонлар дастлаб Ар-Рошидоний зиёратгоҳи ва Хўжа Илғор масжидида бўлишиб, бу ердаги тарихий сақланиб қолган жойларини куздан кечиришди.
Шундан сўнг, "Мингбоши керамик" кулолчилик музейида бўлган британияликлар, кулолчилик маҳсулотлари билан танишишдан ташқари, тайёрлаш жараёнларини ҳам мароқ билан томоша қилишди. Музейда мураккаб ҳамда нафис нақшлар, ўзига хос услубда яратилган, табиат манзаралари туширилган турли кўринишдаги сержило идишлар ва кулолчилик буюмлари жойлашган.Ушбу ташриф хорижлик сайёҳларда катта таассурот қолдирди. Улар риштонлик уста кулоллар томонидан яратилган бир-биридан гўзал санъат асарларини катта қизиқиш билан томоша қилар экан ўзларининг ҳайратларни яшира олишмади.
Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38
Ишонч телефони статистикаси
