1. Бош сахифа
2. Янгиликлар

Баткен тумани ҳокими бошчилигидаги делегация Риштон туманида бўлди

×

Бугун Қирғизистон Республикаси Баткен тумани ҳокими Учкун Жоробоев бошчилигидаги делегация Риштон туманида бўлди.
Делегация аъзолари Риштон тумани ҳокими Баҳодиржон Холиқов ва туман секторлари раҳбарлари томонидан кутиб олинди.
Баткенлик меҳмонлар дастлаб Мингбоши керамик кулолчилик кластери томонидан олиб борилаётган кенг кўламдаги ишлар билан танишишди. Шокиржон Аҳмаджонов раҳбарлигидаги корхона фаолияти Қирғизистон делегацияси вакилларида катта таассурот қолдирди.
Делегация вакиллари Риштон туманидаги "Kosto Line Holding" хорижий корхонаси ва Қодиржон Қосимов томонидан барпо этилаётган пистачилик плантациясида ҳам бўлишиб,  бу ердаги жараёнлари билан танишишди.  
Ташриф давомида тадбиркорлар ўзаро ҳамкорлик борасида ҳам келишувга эришишди.

Риштон туман ҳокимлиги ахборот хизмати