1. Бош сахифа
2. Янгиликлар

Баҳорга тайёргарлик: яшариш фаслини покиза ният ва озодалик билан қаршилаш йўлида

×

Айни кунларда Риштон туманининг кўплаб масканларини обод ва фаровон этиш йўлидаги ишлар қизғин давом этмоқда.Ободлик остонадан бошланади, деганларидек, ана шундай ободонлаштириш-кўкаламзорлаштириш тадбирлари туманга қўшни туманлардан кириб келувчи ҳудудларида ҳам амалга оширилмоқда.

Хусусан, Навбаҳор, Ёйилма ва Боғистон каби маҳаллалар ҳудудидан ўтган, адирликларда жойлашган ва қўшни Ўзбекистон ва Бешариқ туманларига олиб борувчи катта йўл ёқаларини обод этиш тадбирлари ҳам авж паллада. 

Миришкор боғбону, бобо деҳқонлар эса далада баҳорги мавсум тадоригини бошлаб юборишган. Янги ўзлаштирилган майдонларни тартибга келтириш, боғу-роғлардаги манзарали ва мевали дарахтларга шакл бериш, ерни ўғитлаш, ариқ ва зовурларни мавсумга тайёрлаш, мухтасар айтганда кўкламни муносиб қарши олишга жадал киришилган.