1. Бош сахифа
2. Янгиликлар

Риштон ва Кутахя ўртасида меморандум имзоланди

×

Ҳамкорлик уфқлари

 Бугун Риштон туманида яна бир тарихий воқеа содир бўлди. Туман ҳокимлигида Туркиянинг Кутахя шаҳри ва Риштон тумани ўртасида биродар шаҳарлар меморандуми имзоланди.

Меморандум имзолаш тадбирида Риштон тумани ҳокими Баҳодир Холиқов, Кутахя шаҳри баладия башкани (ҳокими) Алим Ишик, РИштон тумани ИИБ бошлиғи Шавкат Мавлонов, туман ҳокими ўринбосари Абдуқаҳҳор Жўрабоевлар иштирок этишди.

Меморандумни имзолашдан кўзланган асосий мақсад Риштон тумани ва Кутахя шаҳри ўртасида биродарлик алоқаларини ўрнатиш, икки томон ўртасида савдо-иқтисодий ҳамкорликни йўлга қўйишдан иборат.

Кутахя шаҳри ўзининг ноёб кулолчилик маҳсулотлари билан дунёга машҳур бўлиб, Туркия миллий кулолчилик анъаналарининг етакчиси ҳисобланади.

Эслатиб ўтамиз, бундан аввал Озарайжоннинг Исмоили, Япониянинг Майдзуру, Италиянинг Дерута, Туркиянинг Изник шаҳарлари билан Риштон тумани ўртасида биродарлашган шаҳарлари сифатида меморандум имзоланган эди.