1. Бош сахифа
2. Янгиликлар

Янги ўқув йили бошланди. Мактабларимизда нима гаплар?

×

Янги 2023-2024 ўқув йили бошланди ва барча умумтаълим мактабларда дарс жараёнлари белгиланган тартиб ва қоидаларга асосан олиб борилмоқда. Бироқ, баъзи таълим даргоҳларида йиллар оша тўпланиб қолган муаммо ва камчиликлар ҳам борки, уларни бартараф этиш ҳар биримиздан юксак масъулиятни талаб этади. 
Пандигон маҳалла фуқаролар йиғинида жойлашган 14-сонли умумий ўрта таълим мактабида дарс жараёнлари давом этмоқда. Бугун ушбу мактабда бўлган туман ҳокими Баҳодир Холиқов ва туман прокурори Рашидбек Меҳмоновлар дарс жараёнлари билан танишишди, ўқувчилар билан суҳбатлашишди. 
Туман ҳокими ўқувчилар билан савол-жавоб қилди, ўқувчиларнинг билим даражаси ўрганилди, уларнинг нималарга қизиқишларига қизиқиб,  фақат билим олиш ва илм йўлида астойдил интилиш лозимлигини қайд этди. 

Риштон тумани ҳокимлиги Ахборот хизмати