1. Бош сахифа
2. Янгиликлар

Қайрағочда байрам шукуҳи

×

Мустақиллигимизнинг 32 йиллиги муносабати билан “Обод хонадон”, “Обод кўча” ва “Обод маҳалла” мезонлари жорий этилаётган Қайрағоч маҳалласида тантанали байрам шодиёналари бўлиб ўтди.
Тадбирда туман ҳокими, сектор раҳбарлари ва кенг жамоатчилик вакиллари иштирок этдилар.
Байрам кечасида сўз олганлар томонидан Давлатимиз раҳбари ташаббуси билан “Инсон қадри учун” тамойили асосида юртимизда кенг кўламда ислоҳотлар амалга оширилаётганлиги яна бир бор таъкидланди. 
Ушбу маҳалла фуқаролар йиғинида “Обод хонадон”, “Обод кўча” ва “Обод маҳалла” мезонлари жорий этилиб, қисқа вақт ичида олиб борилган бунёдкорлик ишлари бунинг исботи сифатида кўрсатиб ўтилди.
“Янги ҳаёт учун, янги Ўзбекистон учун!” шиори остида ташкил этилган байрам тадбири туманимизда фаолият олиб бораётган санъаткорларнинг гўзал куй-қўшиқлари билан файз олди. Йиғилганларда юртга меҳр-муҳаббат туйғуларини янада мустаҳкамлашга хизмат қилди.

Риштон туман ҳокимлиги ахборот хизмати.