1. Бош сахифа
2. Янгиликлар

Ободлик кўнгилдан бошланади: Риштон туманида ободонлаштириш тадбирлари уюшқоқлик билан ташкилланмоқда

×

Халқимиз асрлар давомида тозалик, озодаликка қаттиқ риоя қилиб келган. Чунки, ободлик  кўнгилдан бошланади. Зеро, обод маконда иш унумли ва баракали бўлиш билан бирга обод бўлган жойда фаровонлик ҳукм суради. 
Юртимиз истиқлолининг 32 йиллигига муносиб тараддуд кўриш ва уни муносиб нишонлаш, ҳудудларда ободлик ҳамда кўркамликни таъминлаш мақсадида Риштон туманидаги барча қишлоқ ва маҳаллаларда кенг қамровли ободонлаштириш тадбирларига киришилди. 
Ободонлаштириш ишлари жараёнида маҳаллалар, аҳоли пунктлари, кўп қаватли уйлар, ҳовлилар атрофи, зиёратгоҳ ва қабристонлар, боғ ва сайилгоҳларни тартибга келтириш, чиқиндиларни белгиланган жойга чиқариб ташлаш, кўчаларни таъмирлашга алоҳида эътибор қаратилмоқда.