1. Бош сахифа
2. Янгиликлар

“Риштон” оромгоҳи болажонлар учун ўз бағрини очди

×

Риштон туманидаги  “Риштон” оромгоҳи  1 мавсумда  120 нафар ўғил-қизни ўз бағрига қабул қилиб олди. Айни дамда бу сўлим гўша болаларнинг шўх-шодон кулгуси билан янада файзга тўлган.
Серсоя ва сўлим гўшада жойлашган мазкур оромгоҳда болажонларнинг мазза қилиб дам олиши учун барча шарт-шароит яратилган. 
Оромгоҳда болажонларнинг билим ва маҳоратларини ошириш учун Ёш дастурчи, инглиз тили, футбол, шахмат, шашка, стол тенниси, волейбол каби тўгараклар ташкил этилган. Ўқувчи ёшлар ўзларини қизиқтирган тўгаракларда тенгдошлари билан бирга иштирок этиб, билимини мустаҳкамламоқда.Бу ерда яратилган шароитлар болажонлар учун манзур бўлмоқда. Спорт майдончалари, бой китоб фондига эга кутубхона, ошхона болалар ихтиёрида. Албатта, бу ерга ташриф буюрган болалар улкан таассуротлар билан қайтиши шубҳасиз.